Siglir tar il cuntegn

Header

cuntegn

Iniziativa 99% L'iniziativa ha fatg naufragi

L'iniziativa dals Giuvens socialists, che vul augmentar la taglia per ils pli ritgs, n'ha nagina schanza. Tut ils chantuns èn s'exprimids cunter l'iniziativa ed er la populaziun ha ditg Na.

Sulettamain 64,9% da las vontantas ed ils votants èn stads cunter in augment da la taglia per ils pli ritgs. Il Il pli cler Na datti en il chantun Sutsilvania cun 77,4% da las vuschs. Insumma, l'iniziativa n'ha nagina schanza en ils chantuns da la Svizra tudestga. En la Svizra romanda hai dà dapli simpatias. Il pli stretg èsi però stà en il chantun Basilea-Citad, nua che sulettamain 51,9% èn stads cunter l'iniziativa.

Iniziativa 99%

Svizra: Iniziativa 99%

  • GEA

    35.1%

    986'901 Vuschs

  • NA

    64.9%

    1'823'056 Vuschs

Vuschs dals chantuns

  • GEA

    0.0

  • Na

    23.0

Cler Na er en il Grischun

Er il Grischun è s'exprimì cunter ina pli auta taglia per ils pli ritgs. Gist cun 70,8% da las vuschs ha il suveran grischun tramess l'iniziativa dal pievel, ch'è vegnida lantschada dals Giuvens socialists, da l'aua giu.

Grischun: Iniziativa 99%

GEA 29.2%, Na 70.8%

Resultat

Tuttas vischnancas grischunas refusan l'iniziativa dals giuvens socialists. Il pli cler Na hai dà en la vischnanca da Furna cun 85,7% da las vuschs. Il pli stretg èsi stà a Masein cun 55,5% da las vuschs. Tuttas vischnancas èn dumbradas.

Funtauna votaziuns GR

Avrir la box Serrar la box

RTR sa basa sin las datas che la Chanzlia chantunala dal Grischun metta a disposiziun. Quellas èn da chattar sin https://abstimmungen.gr.ch/.

Per tge vai?

L'iniziativa 99% vul augmentar la taglia per il pli aut pertschient. Tgi che viva sulettamain da sia facultad duai pajar dapli taglia, che quels che van mintga di a lavurar. En l'avegnir duai la taglia sin entradas ord chapital (per exempel entras tschains u dividendas) crescher. Concret duain entradas or dal chapital vegnir suttamessas ad ina taxaziun pli auta Quai cun excepziun dad ina tscherta summa libra, ils iniziants proponan 100'000 francs.

Il Cussegl federal ed il parlament èn s'exprimids cunter l'iniziativa. Tar las partidas sa mussa in foss tranter la sanestra e la dretga: Be la PS e la Verda sustegnan l'iniziativa dals Giuvens socialists.

RTR novitads 12:00

Artitgels legids il pli savens

Scrollar a sanestra Scrollar a dretga