Siglir tar il cuntegn

Header

Giuvenssozialists Grischun
Legenda: Giuvens sozialists Grischun Da sanestra: Maurus Müller, suprastant Rosalina Müller, co-presidenta Freya Müller, co presidenta RTR, Natalia Weber
cuntegn

Iniziativa da transparenza La Giuso Grischun vul dapli transparenza en la politica

Per purtar enavos la fidanza en la politica dovr'ins dapli transparenza, manegia la Giuso Grischun. Pervia da quai duessan partidas inditgar en avegnir publicamain lur finanzas. Quai a partir da 10'000 francs tar campagnas d'elecziun ed a partir da 3'000 francs tar donaziuns.

Che dapli transparenza faschess bain a la politica, da quai èn persvas era las autras partidas dal Grischun. L'iniziativa na vulan però betg tuts sustegnair. Oravant tut la PLD è encunter. Els sajan da l'avis ch'i bastia da pretender la transparenza sin basa facultativa. En pli manegia il president da la PLD Bruno Claus che las donaziuns na sajan en Grischun betg uschè autas ch'ins haja da publitgar ellas.

audio
Iniziativa da transparenza: tge din las autras partidas?
aus Actualitad vom 11.11.2021.
abspielen. Laufzeit 3 minutas 1 Sekunde.

L'Allianza dal Center preferiss era la varianta da la libra voluntad, tuttina pudessan els viver cun ina lescha da transparenza. Dal tuttafatg da l'avis sco la Giuso è la verda. Ella sustegna l'idea d'ina lescha ed è era da l'avis ch'i na bastia betg da sperar sin la voluntad da las singulas partidas.

Ils iniziants han ussa temp in onn per ramassar 3'000 suttascripziuns per che l'iniziativa vegnia lura davant il pievel.

RTR novitads 06:00;

Artitgels legids il pli savens

Scrollar a sanestra Scrollar a dretga