L’Uniun grischuna d’artisanadi e mastergn ha surdà il premi d’innovaziun a chaschun da sia radunanza da delegads e delegadas. En il center dal project «100% Valposchiavo» stettia in sigil da qualitad per la producziun, l’elavuraziun e la vendita da mangiativas or da la regiun – scriva l’uniun.
Decisiv per il success dal project saja la collavuraziun exemplarica tranter l’agricultura, la mastergnanza ed il turissem. Inizià il project han l’onn 2016 pliras organisaziuns da la regiun Poschiavo – la federaziun d’artisanadi e mastergn, l’organisaziun turistica e las uniuns purilas.
