La lescha da films che pretenda ch'ils servetschs da streaming investeschan ina cumpart da lur svieuta en producziuns svizras, è approvada cun gronda maioritad. 58,4% da las votantas ed ils votants han ditg Gea a la fatschenta.
Sur tut en Svizra Centrala han votantas e votants ditg plitost Na a la fatschenta, sco er il chantun Schaffusa e l'Appenzell Dadens. Ils pli clers Gea per la lescha hai dà en la Svizra franzosa.
Lescha da films
Svizra: Lescha da films
-
GEA
1'255'032 Vuschs
-
NA
893'369 Vuschs
Grischun accepta «Lex Netflix»
Il Grischun accepta la lescha da films. Quai cun 56,6% da las vuschs. La participaziun a la votaziun ha muntà a radund 43,4%.
Approvà il pli cler la fatschenta ha fin uss la vischnanca da Buseno cun prest 74% da las vuschs. Ditg il pli cler Na, han ils votants e las votantas da Furna cun prest 64%.
La lescha da films u er «Lex Netflix»
Servetschs da streaming ed emetturs da televisiun da l'exteriur duain investir en l'avegnir 4% da la svieuta ch'els genereschan en Svizra, en producziuns svizras. Emetturs da televisiun entaifer il pajas èn gia obligads da far questa investiziun en la branscha da film indigena. Plinavant duain servetschs da streaming sco Netflix, Amazon Prime u Disney+ vegnir obligads d'avair en lur catalog 30% serias e films producids en l'Europa.
