Siglir tar il cuntegn

Header

cuntegn

Lètg per tuts La Svizra di Gea a la «lètg per tuts»

Il suveran svizzer di Gea a la «lètg per tuts». Tut ils chantuns èn s'exprimids per la midada da la lescha.

Igl è stà ina relativamain clera chaussa. Votantas e votants svizzers èn s'exprimids en tuts chantuns per la «lètg per tuts». Il pli cler Gea hai dà en il chantun Basilea-Citad cun 74% da las vuschs, ma er en il chantun Turitg (69,1%) ed ils chantuns Lucerna e Berna è ina gronda maioritad s'exprimida per la midada da lescha. Il pli stretg èsi stà en ils chantuns Appenzell-Dadens (50,8%) e Tessin (52,9%).

La lètg per tuts

Svizra: La lètg per tuts

  • GEA

    64.1%

    1'828'427 Vuschs

  • NA

    35.9%

    1'024'167 Vuschs

Il Grischun di Gea

Er las votantas ed ils votants dal Grischun èn s'exprimids per la «lètg per tuts». Tenor il resultat final han 62,75% mess in Gea en l'urna.

Grischun: La lètg per tuts

GEA 62.75%, Na 37.25%

Resultat

La maioritad da las vischnancas grischunas è per la «lètg per tuts». Sulettamain singulas vischnancas èn s'exprimidas cunter la midada da la lescha. Uschia per exempel la vischnanca da Furna, il Puschlav ni er Rossa e Buseno. Il pli cler gea a la lètg datti da Segl – quai cun 77,7% da las vuschs.

Funtauna votaziuns GR

Avrir la box Serrar la box

RTR sa basa sin las datas che la Chanzlia chantunala dal Grischun metta a disposiziun. Quellas èn da chattar sin https://abstimmungen.gr.ch/.

Per tge vai?

Fin uss dastgan pèrs omosexuals sulettamain laschar registrar lur relaziun sco partenadi registrà, la maridaglia n'è pero betg pussibla. La «lètg per tuts» avra la lètg er per pèrs omosexuals. Sper la lètg duain pèrs omosexuals er survegnir ils medems dretgs tar la famiglia.

Il Cussegl federal ed il parlament èn gia s'exprimids per la lètg per tuts: Pèrs omosexuals na duain betg pli vegnir tractads auter che pèrs eterosexuals, è lur argumentaziun. Tut ils pèrs duain dastgar maridar ed uschia er survegnir ils medems dretgs e las medemas obligaziuns.

RTR novitads 12:00

Artitgels legids il pli savens

Scrollar a sanestra Scrollar a dretga