Siglir tar il cuntegn

Header

cuntegn

Luzein Christian Kasper resta a la testa da la vischnanca

Il president da Luzein Christian Kasper resta per in’ulteriura perioda da trais onns a la testa da la vischnanca. El è vegnì confermà a chaschun da la radunanza communala en uffizi. Quai cun 53 vuschs, tar 59 preschents.

En pli han ils da Luzein approvà il preventiv per il 2022: Quel quinta tar expensas da 9,9 milliuns francs cun in gudogn da radund da 30’000 francs. Integrà en il preventiv è in deposit da 200'000 francs per la sanaziun da la chasa da scola St. Antönien.

La radunanza ha decidì unanimamain da cumprar 210 aczias da l'ovra electrica «Schanielabach» e cun quai auzar la quota d'aczias sin 70%. Per quai è vegnì approvà in credit da 273'000 francs.

La suprastanza dastga plinavant vender l'immobiglia «chasa-cumin» a Luzein.

audio
Per tadlar: Las novitads da las 14:00
ord RTR Audio dals 27.11.2021.
laschar ir. Durada: 2 minutas 15 Secundas.

RTR novitads 12:00

Artitgels legids il pli savens