A Malans cumenza la scola damaun puspè en il rom ordinari, suenter ils cas da corona. Ils tests spezials èn a fin. Fin almain gievgia da l'emna che vegn, vala dentant in obligatori da mascrina, sco l'Uffizi chantunal da sanadad scriva.
L'emna passada avevi dà blers cas da corona a la scola da Malans. Cun far tests avev'ins chattà 63 persunas positivas, pia bunamain in quart da tut las scolaras ed ils scolars e la magistraglia. Tenor il chantun pertutgan ils novs cas constatads mo pli famiglias gia pertutgadas.
