La Clinica Gut ha in nov directur. El ha num Marco Salzgeber. L'econom da manaschi è dapi 5 onns il manader dal svilup d'interpresa da l'ospital chantunal grischun. Marco Salzgeber surpiglia uschia la funcziun da Hanspeter Frank l'entschatta da settember da quest onn, uschia communitgescha la clinica Gut.
Marco Salzgeber ha 35 onns ed ha acquistà dus masters. In en marketing ed in en management internaziunal. Sia carriera ha cumenzà en la Germania ed en la Svizra en la sparta d'investmentbanking ed en assicuranzas. L'onn 2017 è el daventà il manader dal svilup da l'interpresa da l'ospital chantunal grischun.
