Missiun B - Sin visita en l'iert da scola a Ramosch
Ladina Schena ha visità la scola primara da Ramosch e guardà a las scolaras ed als scolars sur las spatlas co ch'els han lavurà vid in iert per lur scola ed ella ha er vulì savair tge ch'els pon tut emprender durant la lavur en iert.
1 / 17
Legenda:
Dasper il plantar frajas e tartuffels vegn er intercurì quai che crescha sin las plantas en il conturn.
RTR, Gion Gieri Flepp
2 / 17
Legenda:
La moderatura Ladina Schena en discurs cun ils uffants da la scola primara da Ramosch.
RTR, Gion Gieri Flepp
3 / 17
Legenda:
Tartuffels, tartuffels ed anc ina giada tartuffels...
RTR, Gion Gieri Flepp
4 / 17
Legenda:
Gugent dattan scolaras e scolars pled e fatg live en il radio davart lur plans per l'iert da scola.
RTR, Gion Gieri Flepp
5 / 17
Legenda:
Cun agid dals pes mesiran ils uffants la distanza tranter in tartuffel ed il proxim.
RTR, Gion Gieri Flepp
6 / 17
Legenda:
Ils uffants han plazzà ils tartuffels cun gronda precauziun bel en ina lingia.
RTR, Gion Gieri Flepp
7 / 17
Legenda:
Igl è da far tschuf ils mauns.
RTR, Gion Gieri Flepp
8 / 17
Legenda:
Betg mo l'iert è interessant, er il bus d'emetter e la tecnica da radio.
RTR, Gion Gieri Flepp
9 / 17
Legenda:
En stanza da scola han ils uffants plantà tartuffels en ina chista da vaider per vesair meglier er quai che capita sut terra.
RTR, Gion Gieri Flepp
10 / 17
Legenda:
Geniturs dals uffants sin visita en il studio da radio mobil.
RTR, Gion Gieri Flepp
11 / 17
Legenda:
Er il tschentar plantinas tutga tar las lavurs en l'iert da scola: qua plantinas da frajas.
RTR, Gion Gieri Flepp
12 / 17
Legenda:
Il studio mobil a Ramosch.
RTR, Gion Gieri Flepp
13 / 17
Legenda:
Sin il program stat plantar tartuffels. Ils uffants survegnan instrucziuns ed infurmaziuns dad experts da la Fundaziun Pro Terra Engiadina.
RTR; Gion Gieri Flepp
14 / 17
Legenda:
Ils emprims uffants èn gia arrivads a l'iert.
RTR, Gion Gieri Flepp
15 / 17
Legenda:
Gia la damaun marvegl èn Ladina Schena e Gion Gieri Flepp partids cun il bus dal radio en direcziun Engiadina.
RTR, Gion Gieri Flepp
16 / 17
Legenda:
Arrivads a Ramosch hai num preparar il bus d‘emetter l‘emissiun live.
RTR, Gion Gieri Flepp
17 / 17
Legenda:
L‘iert per ils uffants sa chatta gist sper la chasa da scola.
RTR, Gion Gieri Flepp
Nus avain tranter auter pruvà da sclerir, pertge che tals projects cun ils uffants fan senn ed èn impurtants. Plinavant avain nus vulì savair co ch'els emprendan ensemen cun scolastAs ed experts da Pro Terra Engiadina dapli sur da la natira e da la biodiversitad.
Il project «iert da scola»
Avrir la boxSerrar la box
Legenda:
RTR, Gion Gieri Flepp
L'idea è sa dada or d'in workshop davart la promoziun per in svilup persistent da la natira, cultura e cuntrada en l'Engiadina Bassa. Manà vegn il project da la fundaziun Pro Terra Engiadina che porscha maun a las scolas tar l'organisaziun: Saja quai cun metter a disposiziun guaffens, sclerir dumondas pervi dal terren u er sustegn tar la tgira da l'iert fin tar la racolta.
Finamira dal project è da promover gia da pitschen ensi la relaziun cun l'ambient, da sviluppar responsabladad per la natira sco era da mussar co ir enturn cun il tema durabilitad. Sper la scola da Ramosch as participeschan er anc quellas da Strada, Sent, Ftan, Ardez e Zernez al project.
00:35
video
Avis 3. canorta «Missiun B»
Or da Giuventetgna dals 01.05.2019.
laschar ir. Durada: 35 Secundas.
Dals experts survegnan ils uffants tranter auter:
tips per manar in diari d'iert
enconuschientschas davart l'aura
infurmaziuns tge plantas u verduras ch'èn indigenas
savida davart plantas u plantinas pli veglias da la regiun
tips per la tgira da l'iert
L'iert da scola duai lura er esser la basa per divers cuntegns da l'instrucziun, tranter auter en il rom «natira uman e societad». Saja quai lura cun emprender d'enconuscher e definir diversas spezias d'animals e plantas, sviluppar in plan per las lavurs d'iert, da la producziun da mangiativas u er dals ciclus da la natira durant las 4 stagiuns. Er geniturs u vischins interessads pon vegnir integrads en il project.
audio
3. Canorta «Missiun B» – Sin visita en l'iert da scola a Ramosch