Il chantun Grischun è giast d'onur a l'Olma da quest atun. Dals 13 fin il 23 d'october sa preschenta il Grischun a la pli grond'exposiziun publica da la Svizra. Cun petta da nusch e tibas è vegni preschentà oz il motto «simplamain da nar!» «aifach gspunna!» «davvero pazzesco!». Quai tema duai represchentar il Grischun sco lieu attractiv per viver e lavurar. Dentant er sco chantun collià a sias tradiziuns, ma er modern per il turissem, la furmaziun, la cultura e l'agronomia.
Plazza dal vitg
Cun in'exposiziun speziala sur 900m2 porschia il chantun in spazi d'aventura e d'experientscha autentic enturn ina sort plazza dal vitg. Circumdada vegnia ella da trais pavigliuns che porschan tranter auter invista en la «metropola natirala», scuvertas en il mund da furmaziun e perscrutaziun e mussa mastergns vegls e novs.
Damai ch'il Grischun è variants era pervia da sia trilinguitad, ha era il rumantsch in plaz a l'Olma.
L'exposiziun n'è betg l'endretg lieu per far promoziun da la lingua, ma tuttina lain nus collavurar cun uniuns da lingua e la Lia Rumantscha.
Uschia possian ins sviluppar ensemen ina strategia per repeschentar il rumantsch. Las trais linguas dal Grischun dain sa train sco in fil cotschen tras l'entira exposiziun, di Caduff.
Il Grischun concepesch sco chantun ospitant era la festa d'avertura cun il til tradiziunal da la Olma tras il center da la citad da Son Gagl. Var 700 participantas e participants da tut las regiuns dettian furma al til.
La pli gronda fiera da la Svizra attira mintg’onn passa 350'000 visitadras e visitaders e dura 11 dis. Il Grischun è quatter giadas chantun d'onur - l'ultima giada l'onn 2003.
Ord l'archiv
Il Grischun è er gia stà giast a l'Olma:
