Novitads dals 14-07-2024 - Attentat sin Trump – tutgà be l'ureglia
Ina assassin ha sajettà sin il candidat per il presidi american Donald Trump, ha dentant be tutgà l'ureglia. Carlos Alcaraz ha pudì defender ses titel a Wimbledon. Il Spagnol gudogna cunter il Serb Novak Djokovic.
Sin Donald Trump è vegnì sajettà. Ad in'occurrenza per il cumbat electoral ha in attatgader tutgà l'anteriur president american vi da l'ureglia dretga. In aspectatur saja vegnì mazzà e dus ulteriurs blessads.
Wimbledon: Carlos Alcaraz gudogna il turnier da tennis e defenda uschia ses titel. Entaifer duas uras e mez ha Alcaraz decidì il gieu per sasez cun 6:2, 6:2, 7:6 (7:4) cunter Novak Djokovic.
Ils Calanda Broncos han defendì il titel da campiun svizzer cun success. Per la 13avla giada han ils Grischuns gudagnà il Swiss Bowl, quai encunter ils Rengades da Turitg cun 35:14. Per la victoria han ils Broncos però stuì cumbatter. Ils Turitgais èn ids baud en avantatg. Suenter l'emprim quart stevì 0:7, suenter la mesadad dal gieu lura 7:7.
Il di en survista
Themen in diesem Newsticker
Tennis a Wimbledon: Alcaraz triumfescha cleramain cunter Djokovic
Atletica leva: Kambundji muncanta mo per pauc il record svizzer
Trump dat giu statment suenter l'attatga
Campiunadi europeic da sprint: Svizra rimna vinavant medaglias
Tennis: Alexander Ritschard ha gudagnà turnier a Salzburg
La flomma olimpica è arrivada a Paris
Colonna da 8 kilometers davant il Gotthard
Video duai mussar il delinquent ch'ha sajettà sin Trump
Trump ha para gia bandunà Pennsylvania cun ses aviun
Um ch'ha scrit cun minorenna è vegnì arrestà a Landquart
