L’ovra en quatter parts ch'è tschintg meters lada, «Panorama da Muottas Muragl» da Giovanni Giacometti, po definitivamain restar en il Grischun. Grazia ad ina donaziun generusa d'ina fundaziun grischuna èsi stà pussaivel da cumprar il purtret or d'ina proprietad privata e da regalar ella al Museum d’art dal Grischun.
audio
Stephan Kunz: «Vain la pli impurtanta collecziun da Giacometti en Svizra»
ord RTR Audio dals 05.11.2021.
laschar ir. Durada: 20 Secundas.
Il panorama vala sco ina da las emprimas ovras principalas da Giovanni Giacometti. Cun questa donaziun vegn engrondì in punct pesant da la collecziun d'art grischuna.
L’ovra fa ussa part da la collecziun d’art grischuna ed è da vesair a partir dad oz en il Museum d’art dal Grischun.
Per il Museum d'art dal Grischun e per il chantun Grischun èsi da gronda muntada ch'il 'Panorama daMuottas Muragl' vegnia mantegnì e fatg accessibel a la publicitad.
Avant dus onns avevan ils possessurs dal panorama vulì vender quel tar in'aucziun. Damai ch'il pretsch minimal da 2,8 milliuns n'è dentant betg vegnì cuntanschì, n'ha quai betg funcziunà. Per quant ch'il museum d'art ha uss pudì recaltgar il purtret, n'è betg vegnì tradì.
audio
Per tadlar curt e cumpact
ord RTR Audio dals 05.11.2021.
laschar ir. Durada: 55 Secundas.