Siglir tar il cuntegn

Header

cuntegn

Parolas PS Grischun Gea a donaziun d'organs e lescha da film – Na a Frontex

Ils delegads da la PS Grischun han dà or lur parolas per las votaziuns dals 15 da matg. Ils socialdemocrats dian Gea a la cuntraproposta per la donaziun d’organs automatica, ed a la lescha da films. Na din els percunter a la finanziaziun da «Frontex», l’Agentura europeica per la cooperaziun operativa als cunfins exteriurs. Uschia suonda la PS Grischun cun sias parolas a la partida mamma.

Gea a l’iniziativa per la donaziun d’organs automatica

La PS Grischun spera ch'i vegn salvà cun questa lescha pli bleras vitas. Quella lescha vul tar la transplantaziun introducir il model dal consentiment presumà extendì. Questa lescha di che tgi che na vul betg donar organs, sto dir quai avant la mort.

Gea a la lescha da films

La PS Grischun di che tgi che mussa films e serias sur plattafurmas da streaming lucrativas, sco sur emetturs da televisiun esters stoppia era investir en Svizra. Gia oz ston emetturs da televisiun svizzers inverstir 4% da lur entradas en films e serias da la Svizra. ll futur duaian era plattafurmas da streaming internaziunalas e reclamas estras investir en la Svizra.

Na a la finanziaziun da «Frontex»

Quest project vul che la Svizra s'engascha pli fitg a la guardia da cunfin ed a la guardia da costa. La PS Grischun saja s'engaschada per che pli blers fugitivs survegnan asil directamain ord la regiun da crisa, però la vart dretga haja impedì quai. Quest project saja dischequilibrà e rinforzia be l'isolaziun, di la PS Grischun.

audio
Per tadlar: las novitads da las 12:00
aus RTR Audio vom 14.04.2022.
abspielen. Laufzeit 4 minutas 58 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga