Previstas 2022 - Las elecziuns dal Cussegl grond e da la regenza - Novitads

Previstas 2022 Las elecziuns dal Cussegl grond e da la regenza

Ils 15 da matg dat quai elecziuns istoricas en il chantun Grischun. Istoric, perquai ch'il parlament vegn per l'emprima giada elegì cun in proporz dubel.

Autur: Sabrina Bundi

Il proporz dubel vegn a reparter da nov las chartas politicas en il chantun Grischun – probabel è, ch'ils liberaldemocrats perdan sez che van als socialdemocrats ed a la partida populara. L'Allianza dal Center pudess grazia a la fusiun restar ina ferma partida en il chantun.

video

Proporz dubel: Declerà curt e cumpact

Or da Telesguard dals 19.05.2021.

abspielen. Laufzeit 2 minutas 33 Sekunden.

Christian Rathgeb, il minister da finanzas dals liberaldemocrats, e Mario Cavigelli, il minister d'energia da l'Allianza dal Center han cuntanschì la limitaziun da temp d'uffizi. Els ston far plaz a duas novas persunas.

Per ils 5 sez en la regenza candideschan 6 persunas. Ils trais cussegliers guvernativs vertents Marcus Caduff (AdC), Peter Peyer (PS) e Jon Domenic Parolini (AdC), sco er ils trais novs candidats Martin Bühler (PLD), Roman Hug (PPS) e Carmelia Maissen (AdC)