Tge effect ha la qualitad da l'aria en stanzas da scola sin las infecziuns da corona? Per eruir questa dumonda ha il chantun lantschà in project da pilot. L'apparat mesira tranter auter quant CO2 ch'è en l'aria, l'umiditad u er la temperatura.
Per il project da pilot vegnan installads a partir dad immediat 300 apparats da mesiraziun en 59 scolas, respectivamain en 150 stanzas en il Grischun. Ils apparats communitgeschan permanentamain las datas a l'Institut federal da controlla da material e da perscrutaziun. Cun emprims resultats fa il chantun quint la fin da l’onn.