La Arge Alp – quai èn las regiuns Baviera, Lumbardia, Salzburg, Tirol dal Sid, Tessin, Tirol, Trient, Vorarlberg e Grischun – è vegnida fundada il 1972 en il Tirol ed ha l'intent d'approfundar la conscienza d'esser responsabel per il spazi da viver alpin e da sviluppar vinavant questa conscienza a moda persistenta per il bain da las abitantas e dals abitants.
Las concurrenzas da sport annualas da la Arge Alp vegnan manadas da l'Uffizi per la scola populara ed il sport dal chantun Grischun. Las diversas concurrenzas da sport han lieu mintgamai decentralmain en differents pajais commembers da la Arge Alp. Suenter che l'occurrenza da raiver ha gì lieu l'ultima giada il 2013 a Küblis, èn las sportistas ed ils sportists giuvens sa mesirads la fin d’emna en las categorias U12, U14 ed U16 en il center da raiver Ap'n Daun a Cuira.
