Siglir tar il cuntegn

Header

cuntegn

Regenza grischuna Profil per daventar cussegliera u cusseglier guvernativ

Il matg 2022 elegia il Grischun dus ubain duas novas cusseglieras guvernativas che remplazzan Mario Cavigelli e Christian Rathgeb. Dentant tge qualitads ed abilitads stuess quella persuna avair?

Ina pitschna retschertga tranter las deputadas ed ils deputads dal Cussegl grond mussa:

Il pli gugent avessan els ina persuna

  • simpatica
  • carismatica
  • generalista ch'enconuscha bain tut ils dossiers
  • che sa manar persunal
  • strategica
  • che ha in cler profil
  • che sa gia co ch'ils mulins da l'administraziun molan
audio
Tge profil dovri per daventar cussegliera u cusseglier guvernativ?
aus Actualitad vom 20.10.2021.
abspielen. Laufzeit 4 minutas 40 Sekunden.

La regenza è in team

E sch'ina persuna suletta na po betg ademplir tut quests criteris, saja quai dentant er bain pussaivel da reparter els sin pliras persunas. Quai di il politolog Clau Dermont:

Ina persunas en la regenza sto lavurar en in team. Perquai èsi forsa er bun, sche tuts han in zic in auter satgados.
Autur: Clau Dermont Politolog

En il mintgadi da lavur

Dentant, tge qualitads dovra quai en il mintga di da lavur? Tgeninas han purtà il pli bler als cussegliers guvernativs che bandunan la regenza? Cusseglier guvernativ Mario Cavigelli di, che esser generalist, pia savair or da tut ils departaments tge ch'è il pli impurtant saja stà d'avantatg. Christian Rathgeb perencunter di, ch'ins haja en la regenza da ir or dal biro da Cuira e «reger» là nua che la populaziun è, en tut las regiuns dal chantun.

RTR actualitad 07:00

Artitgels legids il pli savens

Scrollar a sanestra Scrollar a dretga