En Svizra creschan las pajas nominalas quest onn per 1,1%. Da quest fatg parta l’Uffizi federal da statistica ch’ha publitgà ina calculaziun davart il svilup da las pajas. Cunquai ch’er ils custs da viver creschan quest onn na vegnian bleras lavureras e lavurers sut il stritg betg a profitar da dapli paja. La Banca naziunala svizra quinta che la chareschia muntia quest onn a 2,8%.
Da calculaziuns precedentas ha l’Uffizi federal da statistica anc quintà che las pajas nominalas creschian per 1,9% respectivamain 2,0%.
