Siglir tar il cuntegn

Header

cuntegn

Uniun sindicala svizra Patruns duain cumpensar la chareschia

Lavurers e lavureras vegnian pli e pli sut squitsch. L'Uniun sindicala svizra pretenda remedura. Tschertas branschas fetschian gudogn, na vulian dentant betg auzar las pajas pervia da la chareschia.

Sch'ins paja per products dapli pervia da la chareschia ubain gudogna medem bler, resta tut en tut in minus en la bilantscha. Cun quai sa sminuescha l'uschenumnada capacitad da cumpra. En la nova runda da pajas pretenda l'Uniun sindicala svizra perquai ina cumpensaziun cumpletta per la chareschia.

Pierre-Yves Maillard e Daniel Lampart da l'Uniun sindicala Svizra.
Legenda: Pierre-Yves Maillard e Daniel Lampart da l'Uniun sindicala svizra. Keystone

Medem bler paja ubain dapli expensas

Betg mo l'inflaziun fa svidar la bursa a lavurers e lavureras. Vitiers vegnian tenor l'uniun anc premias da cassas da malsauns pli autas e custs d'energia. E la politica prefereschia dapi ils onns 2000 glieud che gudogna pli bler: per exempel pajan las persunas cun autas pajas pli paucas contribuziuns da l'assicuranza sociala.

Las pajas realas sajan cunzunt sa sminuidas tar pasterneras ed vendiders. Ed adina pli bleras persunas lavuran en il sectur da pajas bassas: radund 500'000 persunas en Svizra gudognan pli pauc che 4'500 francs per mais. La situaziun finanziala da quellas persunas sa pegiureschia ed en Svizra na duai tenor l’Uniun sindicala Svizra betg pli dar pajas sut 4'500 francs.

Ils patruns na vulan betg

Ina cumpensaziun cumplaina da la chareschia n’è – tenor l’associaziun svizra da las patrunas e dals patruns – betg pussaivla en tut las branschas, malgrà che la situaziun da las incumbensas è fitg buna. Realistic è tenor il schefeconom Simon Wey il mument in augment da mez da la paja da 2,2% pervia da las grondas sfidas envers las firmas.

Tar la runda da pajas vegn negozià quant bler che patruns pajan l'onn proxim. L'argument da l'Uniun sindicala svizra è che blers patruns e patrunas fan bun gudogn er il 2022.

audio
Per tadlar: las novitads da las 12:00
ord RTR Audio dals 15.11.2022.
laschar ir. Durada: 5 minutas 40 Secundas.

RTR novitads 11:00

Artitgels legids il pli savens