Siglir tar il cuntegn

Header

Navigaziun

Mumma e feglia en in champ da fugitivs en il Jemen
Legenda: Bleras persunas en il Jemen n'han betg pli in suttetg ed en sin la fugia. Keystone
cuntegn

Svizra 1 milliun francs per il Jemen

La Chadaina da Fortuna lantscha in'acziun da donaziuns per il Jemen e metta a disposiziun in milliun francs agid d'urgenza.

En il Jemen regia dapi quatter onns ina guerra civila. La situaziun umanitara per la populaziun saja fitg precara ha scrit la Chadaina da fortuna. Las tractativas da pasch ch'èn vegnidas lantschadas il december laschian sperar che la situaziun sa meglierescha. Perquai veglian las ovras d'agid uss rinforzar lur engaschament en il pajais sin la Peninsla Araba.

Tenor il Autcumissariat da las Naziuns Unidas per ils fugitivs, UNHCR, èn il mument prest 4 milliuns persunas sin la fugia e radund 24 milliuns dovrian agid umanitar. Quai èn prest 80% da la populaziun. L'infrastructura ed il provediment cun aua da baiver sajan bunamain cumplet destruids. Il sistem da sanadad saja curt avant il collaps.

Per che las ovras d'agid possian ord quest motiv cuntinuar e rinforzar l'agid ha la Chadaina da fortuna uss lantscha in'acziun d'agid. Donaziuns per il Jemen pon vegnir fatgas immediat. Quai online ni via conto da posta.

RR novitads 06:00