Tenor il parlament duajan en l'avegnir interpresas en Svizra pudair deducir da la taglia perditas pli ditg ch'enfin ussa. Quai vul dir 10 enstagl da set onns. Ussa ha il Cussegl federal tramess en consultaziun las midadas da lescha necessarias.
Concret duajan els survegnir dapli temp da reconstruir lur interpresas. Profitar duajan dentant era start-up che dovran per regla pli ditg enfin ch'ellas fan gudogn. La midada vegn a valair per perditas davent il onn 2020. L'incumbensa per la midada da lescha vegn dal parlament. Confederaziun, chantuns e vischnancas ston quintar cun pli paucas entradas pervia da la lescha. La consultaziun cuzza fin ils 19 d'october.
audio
Per tadlar: las novitads da las 12:00
ord RTR Audio dals 28.06.2023.
laschar ir. Durada: 3 minutas 53 Secundas.
