Siglir tar il cuntegn

Header

video
Nora Kronig dal BAG: «Nus spetgan il schaner cun in mez milliun dosas»
Or da News-Clip dals 04.01.2021.
laschar ir. Durada: 32 Secundas.
cuntegn

2. furniziun da vaccin Vaccin per ulteriuras 63'000 persunas

Ina segunda furniziun cun 126'000 dosas dal vaccin da Pfizer/Biontehch cunter corona è arrivada il glindesdi en Svizra. Quai ha Nora Kronig da l'Uffizi federal da sanadad ditg envers la «Tagesschau» da SRF. Grazia a questa furniziun survegnan 63'000 ulteriuras persunas il vaccin cunter corona.

Gia ils 22 da december è l'emprima furniziun da 107'000 dosas arrivada per via terrestra en Svizra. Silsuenter ha l'armada repartì quellas als chantuns. La saira da Nadal ha l'emprima persuna en Svizra – ina dunna da 90 onns – survegnì il vaccin cunter covid-19. Il glindesdi han 10 ulteriurs chantuns cumenzà cun l'acziun da vaccinar – tranter quels er il Grischun.

Il mument spetga la Svizra sin ch'in ulteriur vaccin survegn il permiss, numnadamain il vaccin che Moderna producescha. Grazia a quel pudessan er medis da chasa pudair vaccinar.

RTR novitads 20:00

Artitgels legids il pli savens