Suletamain l'onn da catastrofa 2005 saja stà pli chars, cun 2,2 milliardas francs. Là sajan las inundaziuns stadas la raschun prinzipala per ils custs. Dapi lu hajan ins bajegià leras mesiras da protecziun cunter inundaziuns e quellas hajan funcziunà bain ed evità pli auts custs, uschia la SVV. Era las mesiras da regular auas da las autoritads ed ils sistems d'alarm sajan vegnì megliers ils davos onns.
Il sistem dual da cuvrida da donns elementars da la Svizra saja in grond avantatg envers il exteriur. Per l'ina pajan las assicuranzas d'edifizis chantunalas, ch'èn obligatoricas en ils blers chantuns, donns vid bajetgs. Per l'autra surpiglian las assicuranzas privatas donns da vehichels e mobiglias.