Cumprar in'abitaziun da vacanzas en Svizra è danovamain vegnì pli char. En Svizra èn puspè s'augmentads ils pretschs da cumpra per abitaziuns da vacanzas.
La fin da l'emprim quartal da l'onn current hajan ins registrà in augment da 7% en las destinaziuns da vacanzas las pli impurtantas en las alps. Quai mussa in studi da la banca UBS.
Il pli grond augment dals pretschs per abitaziuns da vacanzas han ins registrà ad Arosa cun in plus da 20% per meter quadrat. Las pli charas abitaziuns da vacanzas datti dentant anc adina a San Murezzan cun in pretsch da var 20'500 francs per m². Sin segunda plazza è Flem/Laax cun in pretsch da passa 17'000 francs, suandà da Gstaad, che fa cun in pretsch da stgars sut 17'000 francs il m² il terz plaz.
