Pervi da malsognas da la psica crodan adina dapli lavurers or. Quai demussia in studi da l’interpresa PK Rück, scriva la «NZZ am Sonntag». Il dumber da cas saja s’augmentà per 20% cumpareglià cun l’onn passà. La cassa da malsauns «Swica» ha confermà quest trend. Ella è il pli grond purschider d'assicuranzas da diarias. Tenor ella è il dumber da cas s’augmentà quest onn per 15%.
Blers giuvens pertutgads
Blers dals pertutgads na possian per lung temp betg pli ir a lavurar. Quai possia manar ad ina nova unda da rentiers da l’Assicuranza d’invaliditad, ha avertì Andreas Heimer da la PK Rück. Cunzunt alarmant saja l'augment tar ils giuvens tranter 18 e 24 onns.
Gia l'onn passà saja il dumber da novs rentiers da l'Assicuranza d'invaliditad s'augmentà per 16% – mintga segund cas pervi da motivs psichics. Tar ils giuvens schizunt 7 da 10. Per ses studi ha la PK Rück analisà las datas da 250'000 emploiadas ed emploiads da 6'000 interpresas.
Or da l'archiv
