Las pendicularas grischunas han cumenzà bain la stagiun d'enviern. Sco quai che l'uniun da las pendicularas svizras scriva, han las pendicularas grischunas registrà fin la fin da december 19% dapli emprimas entradas – cumpareglià cun l'onn avant. En tut la Svizra han las pendicularas registrà schizunt 26% dapli emprimas entradas. La raschun per quest bun start saja ch'igl haja gì blera naiv gia avant Nadal ed alura era sur ils dis da festa.
Il motiv per las grondas differenzas tranter las regiuns, cumpareglià cun la davosa stagiun, è l'aura ed oravant tut la naiv. Quest onn haja dà baud blera naiv, fin en la bassa, uschia ch'era ils territoris che n'han betg las pussaivladads da far naiv artifiziala u che n'èn betg uschè aut en ils culms han pudì cumenzar la stagiun baud.
Avant in onn era la situaziun tut autra. Lezza giada mancava en blers lieus la naiv.
