Igl è fradaglias, uschè fraid sco questa notg n'esi anc mai stà quest onn. Gia la notg da sonda sin dumengia è stada la notg la pli fraida da l'onn, la dumengia sin glindesdi ha dentant puspè rut il record annual. A Buffalora sin il Pass dal Fuorn èn vegnids mesirads -27°C: la temperatura la pli bassa da la Svizra. Er a Samedan esi stà fitg fraid cun -26,2 grads.
Er a La Brévine en il chantun Neuchâtel èn puspè vegnidas mesiradas temperaturas bassas. La Brévine vala sco la Sibiria da la Svizra. L'onn 1987 è là vegnida mesirada la temperatura la pli bassa da la Svizra cun -41,8 grads.
Or da l'archiv: