Siglir tar il cuntegn

Header

cuntegn

2x Nadal Passa 50'000 pachets per persunas basegnusas

Tar l’acziun da solidaritad «2x Nadal» ha la populaziun svizra donà 317 tonnas mangiativas e products d'igiena. Quai annunzia la Crusch Cotschna Svizra che maina l'acziun ensemen cun la posta, il Coop e la SRG SSR. A partir dal favrer repartan las secziuns chantunalas da la Crusch Cotschna la rauba en 50'960 pachets a persunas pertutgadas da paupradad sco er en instituziuns socialas en l’entira Svizra. Quai saja necessari en la Svizra, nua che la quota da paupradad creschia permanentamain dapi il 2014. Ed actualmain sajan er ils pretschs creschids.

En pli sajan era vegnidas ensemen donaziuns da 285'000 francs a favur da projects d’agid d’enviern en l’Europa da l’Ost e l’Asia Centrala. Quests meds annunzia la Crusch Cotschna Svizra da vulair impunder per persunas basegnusas en la Bosnia-Herzegovina, en l'Armenia, la Moldavia ed en il Kirgistan. Là vivia la populaziun pertutgada da fredaglia extrema per part en cundiziuns precaras. Qua vul la Crusch Cotschna gidar cun tschaveras en mensas socialas, pachets cun mangiativas e cun agid finanzial.

Cun tut questas acziuns possian ins gidar passa 50'000 persunas en la Svizra ed en l'exteriur, communitgescha la Crusch Cotschna.

Or da l'archiv: era RTR ha rimnà per «2x Nadal»

audio
2x Nadal: la rimnada da pachets tar RTR
ord Actualitad dals 05.01.2024. Maletg: RTR
laschar ir. Durada: 1 minuta 40 Secundas.

RTR novitads 15:00

Artitgels legids il pli savens