Sin incumbensa dal Cussegl federal emprova l’apoteca da l’armada uss, da cumprar avunda mascras per che uschè bleras persunas en Svizra sco pussaivel possian avair da quellas. 330 milliuns mascras d’igiena duain servir a la protecziun da la populaziun, il rest per il persunal medicinal.
Era sin la glista da cumpras èn 1’000 novs apparats da respiraziun, 8 milliuns sets da tests da corona, 190 milliuns guants a diever unic e 48 milliuns unitads da dischinfectants per ils mauns.
Tema che pretschs s'augmentan
Per tut questas cumpras da material per cumbatter il coronavirus, prevesa il Cussegl federal in credit da maximal 2,24 milliardas francs. Las decisiuns n’ha il Cussegl federal dentant betg vulì far public, per ch’ils pretschs na giajan betg memia ensi, ha ditg la ministra da defensiun Viola Amherd envers la «NZZ am Sonntag».
