Siglir tar il cuntegn

Header

cuntegn

Presidenta da la Confederaziun Sommaruga defenda l'agir dal Cussegl federal

La presidenta da la Confederaziun Simonetta Sommargua ha defendì l'agir dal Cussegl federal en la crisa da corona.

La Confederaziun fetschia tut il pussaivel per impedir ina rebattida ha ditg Sommaruga a la «Neue Zürcher Zeitung» da la sonda. Las restricziuns vegnian schluccadas là nua che la protecziun da persunas è pussaivla. Sche la populaziun sa tegnia vid la mesiras da distanza ed igiena, na dettia er nagins relaps.

Rebattidas e danovamain reglas pli severas fissan il pli nausch scenari. Garanzias na possia nagin dar ha ditg Sommaruga. Suenter ils 11 da matg datti ina lunga perioda senza schluccada da las mesiras. Durant quest temp veglian ins analisar tge effect ch'ils emprims dus pass han gì sin l'epidemia. Er per ulteriurs concepts co schluccar las restricziun saja la Confederaziun averta. Ins emprovia da tegnair sin in minimum las restricziuns per la populaziun ed il donn per l'economia. Prioritad haja dentant la sanadad da la populaziun.

L'urari dal Cussegl federal per schluccar las mesiras

  • 27 d'avrigl: tuttas partiziuns d'ospitals, coiffeurs, studios da massascha e cosmetica, martgads da construcziun, ortulans e flurists pon avrir.
  • 11 da matg: scolas obligatoricas ed ulteriuras stizuns pon avrir (la decisiun definitiva croda ils 29 d'avrigl).
  • 8 da zercladur: scolas medias, da professiun e scolas autas sco era museums, zoos e bibliotecas pon avrir. Il medem mument duai il scumond da sa radunar vegnir schluccà (decisiun definitiva croda ils 27 da matg).

RTR novitads 06:00

Artitgels legids il pli savens

Scrollar a sanestra Scrollar a dretga