La cunvegna cun la Brasilia, l’Argentina, l'Uruguay ed il Paraguay na saja betg da responsar e quai tant ecologicamain sco er eticamain, uschia ils iniziants. Dapi che Jair Bolsonaro haja cumenzà sco president da la Brasilia saja il guaud selvadi en la regiun da l'Amazonas vegnì runcà dramaticamain pli svelt.
«La cunvegna promovescha la runcada dals guauds selvadis»
Ina cunvegna da commerzi liber cun ils pajais da Mercosur pussibiliteschia dapli exports brasilians da charn e soja e promovia uschia la runcada dals guauds selvadis che sajan uschè impurtants per l'equiliber dal clima.
«En la substanza» eran ils stadis da l’EFTA cun la Svizra, la Norvegia, l’Islanda ed il Lichtenstein sa cunvegnids il venderdi davart la cunvegna. Cun quella na dessi per 95% dals exports svizzers nagins dazis pli. Avant che la cunvegna po ir en vigur ston ils pajais anc ratifitgar ella.
RR novitads 15:00