Siglir tar il cuntegn

Header

cuntegn

78% sur 65 onns Lescha da Covid-19 ha survegnì sustegn da persunas pli veglias

La lescha da Covid-19 ch'è vegnida acceptada dumengia cleramain dal suveran svizzer ha surtut survegnì sustegn da las electuras ed ils electurs pli vegls. Quai mussa ina retschertga represchentativa ch'è vegnida fatga per incumbensa da Tamedia.

78% eran sur 65 onns

Tenor quella han 78% da las persunas sur 65 onns ditg Gea a la lescha. Pli giuvens ch'ils electurs èn e pli sceptics ch’els sajan stads. Tar las persunas tranter 35 fin 49 onns han anc 56% ditg Gea. E tar las persunas da 18 fin 34 onns eran quai be anc 44%. 60% da las persunas ch'èn vaccinadas sustegnan ulteriuras mesiras per betg vaccinads, encunter eran 33%. Ina gronda part dals dumandads èn era pronts d'acceptar anc ulteriuras mesiras per vaccinads.

A la retschertga represchentativa han dapli che 33'000 persunas da l'entira Svizra prendì part.

Telesguard da votaziun dals 28-11-2021

video
Gea a lescha da Covid: «Igl è in segn ch'ins fida las autoritads»
Or da Telesguard dals 28.11.2021.
laschar ir. Durada: 3 minutas 14 Secundas.

RTR novitads 10:00

Artitgels legids il pli savens