L'immigraziun en Svizra è era creschida l'onn passà. 98'851 persunas dapli èn immigradas en Svizra che quai che emigradas. Tenor il Secretariat da stadi per la migraziun (SEM) è l'immigraziun netta uschia creschida per 11,8%, cumpareglià cun il 2022. Il motiv principal saja la gronda dumonda sin il martgà da lavur. Las persunas estras hajan gidà considerablamain ad equilibrar la mancanza da persunas spezialisadas, scriva il SEM vinavant.
Tut en tut èn 181'553 persunas immigradas en Svizra, da quellas derivan 71,9% d'in stadi commember da l'UE u da l'EFTA. L'immigraziun or da l'UE e da l'EFTA è s'augmentada per 14,1% sin 130'483 persunas. Da stadis terz è vegnì registrà in augment da 6,3% sin 51'070 persunas.
Guardà sur ina perioda da 15 onns han la fin da l’onn 2023 var 44% da tut las persunas ch’èn entradas l’onn 2009 en Svizra puspè bandunà la Svizra.
