La banca naziunala svizra ha preschentà sia nova seria da bancnotas. Gudagnà ha la sera da l'interpresa Emphase GmbH a Losanna. Lur sboz tematisescha la Svizra e sias autezzas e mussa d'ina vart differentas plantas e da l'autra vart sujets da l'architectura, cultura traffic e cuntrada, sco per exempel pendicularas. Las colurs restan las medemas sco tar la seria actuala, schebain in pau main preschentas.
Il design definitiv da las bancnotas po dentant anc sa midar. Davart il design final decida il cussegl da banca da la SNB. L'introducziun da las novas bancnotas è previda il pli baud il 2031.
A la concurrenza èn sa participads oriundamain passa 300 creadras e creaders activs en Svizra. Da quai ha la SNB tschernì 12 concepts ch’èn vegnids giuditgads en pliras fasas. Ultra d'in cussegliader d'expertas e d'experts èn sa participadas er passa 100'000 persunas ad ina votaziun publica la stad 2025.
Ils 12 sboz vegnan exponids dals 5 fin 15 da mars en il forum da la SNB a la Fraumünsterstrasse a Turitg.
Tut las 12 propostas
-
Bild 1 von 12. Proposta J. Bildquelle: banca naziunala svizra.
-
Bild 2 von 12. Proposta B. Bildquelle: banca naziunala svizra.
-
Bild 3 von 12. Proposta G. Bildquelle: banca naziunala svizra.
-
Bild 4 von 12. Proposta H. Bildquelle: banca naziunala svizra.
-
Bild 5 von 12. Proposta K. Bildquelle: banca naziunala svizra.
-
Bild 6 von 12. Proposta L. Bildquelle: banca naziunala svizra.
-
Bild 7 von 12. Proposta A. Bildquelle: banca naziunala svizra.
-
Bild 8 von 12. Proposta C. Bildquelle: banca naziunala svizra.
-
Bild 9 von 12. Proposta D. Bildquelle: banca naziunala svizra.
-
Bild 10 von 12. Proposta E. Bildquelle: banca naziunala svizra.
-
Bild 11 von 12. Proposta F. Bildquelle: banca naziunala svizra.
-
Bild 12 von 12. Proposta I. Bildquelle: banca naziunala svizra.
La Banca naziunala aveva lantschà la concurrenza l'october passà.