Siglir tar il cuntegn

Header

Navigaziun

cuntegn

Nova seria Quai è la nova bancnota da 100 francs

La Banca naziunala svizra ha preschentà oz la nova bancnota da 100 francs. Sco sia antecessura è er la nova bancnota blaua. Ella mussa sco motiv principal l’agid umanitar e l’aua.

Purtret da la nova bancnota.
Legenda: Quai è la nova bancnota da 100 francs. Keystone

Suenter las novas bancnotas da 10, 20, 50 e 200 sa tracti da la sisavla ed ultima bancnota da la nova seria. La nova bancnota da 100 è en circulaziun davent dals 12 da settember.

Sco tut las bancnotas novas ha er questa en tut 15 segns da segirezza, tranter auter la crusch svizra transparenta ed in globus che mida colur en la glisch. Er la strivla da segirezza ha la bancnota: En argient èn da vesair la charta svizra, la rait da la viafier in'enumeraziun dals pli lungs tunnels da tren e sa chapescha il dumber 100.

Cumenzà il 2016

Il 2016 aveva la Banca naziunala svizra cumenzà a remplazzar las bancnotas veglias. Cun la bancnota da 100 è l'introducziun da las bancnotas novas a fin. Las bancnotas da la seria veglia restan anc valaivlas.

RR novitads 11:00