Siglir tar il cuntegn

Header

cuntegn

Abitar resta char Tschains da locaziun pudessan s'augmentar vinavant

Ils tschains da locaziun en Svizra vegnan pli probabel vinavant a s'augmentar. A questa conclusiun vegn in nov studi. La raschun principala saja che abitaziuns sajan fitg tschertgadas, dentant saja la purschida dad abitaziuns libras en Svizra pitschna. Quai ha il cussegliader d'immobilias da Wüest Partner, Robert Weintert, ditg envers SRF. Ulteriurs puncts che sustegna quest svilup:

  • la populaziun crescha
  • perquai ch'i va en general bain cun las Svizras ed ils Svizzers dovra mintgina e mintgin tendenzialmain adina dapli spazi da viver
  • pervi da la mancanza da persunas dal fatg vegnan adina dapli glieud da l'exteriur en Svizra che dovra er abitaziuns

In megliurament na saja betg en vista. Damai ch'il bajegiar saja vegni pli char, vegnia era bajegià pli pauc. Uschia che la mancanza d'abitaziuns vegnia a restar in problem en Svizra. Ed in'auta dumonda per abitaziuns en cumbinaziun cun paucas abitaziuns libras sin la fiera, vegnia era en l'avegnir a chaschunar pli auts tscheins da locaziun en Svizra. Ils experts quintan che la cifra d'abitaziuns vidas pudess sa reducir vinavant er anc il 2024.

Or da l'archiv:

audio
Tge munti ch'il tschains da referenza crescha?
ord Actualitad dals 01.06.2023. Maletg: RTR
laschar ir. Durada: 4 minutas 24 Secundas.

RTR novitads 17:00

Artitgels legids il pli savens