L'Uniun europeica è strict encunter far excepziuns per la Svizra tar ina cunvegna da basa. Tenor l'ambassadur da l'UE, Petros Mavromichalis, survegniss il martgà intern da l'UE foras, sche la Svizra survegniss avantatgs ch'auters n'han betg, ha el ditg en in'intervista cun la «Neue Zürcher Zeitung». La fermezza da la martgà europeic saja che tut ils stadis che sa participeschan hajan las medemas reglas. Ins na possia betg tractar in stadi terz sco la Svizra a moda differenta.
Jau na chapesch betg pertge che quai na vegn betg chapì en Svizra.
L'UE examineschia il mument la proposta da la Svizra da schliar las dumondas dispitaivlas a moda sectoriala en singulas cunvegnas. Quai vegnia dentant pli cumplitgà che da far quai cun ina cunvegna orizontala, cun in punct da partenza surordinà.
audio
Per tadlar: Las novitads da las 08:00
ord RTR Audio dals 09.05.2022.
laschar ir. Durada: 4 minutas 9 Secundas.
