Il dumber dad accidents grevs cun e-bikes è puspè creschì l’emprima mesadad dal 2020. Il trend dals ultims onns cuntinuescha pia.
Cumpareglià cun la medema perioda da l’onn passà è il dumber da ferm-blessads tar accidents cun e-bikes creschì da 148 sin 207. Quai mussan las cifras da l’Uffizi federal da vias, Astra. Tar accidents cun e-bikes èn durant ils emprims sis mais da quest onn 6 persunas. Quai è ina persuna pli pauc ch'avant in onn.
Passa 20% dals accidents cun e-bikes èn capitads perquai che la sveltezza n'era betg adattada a la situaziun. Durant l'emprim mez onn dal 2019 era quai be tar 8% dals accidents il cas.
95 accidents mortals sin vias svizras
Tut en tut èn mortas l'emprim semester 95 persunas tar accidents da traffic sin vias svizras. Quai èn 19 dapli ch'avant in onn, però 7 damain ch'avant dus onns. Grevamain blessads hai dà sin las vias svizras 1'614 durant ils emprims sis mais. En la medema perioda dal 2019 eran quai 1'687 e dal 2018 anc 1'778.
Ord l'archiv:
Avant in onn e mez ha l'emissiun Kassensturz rapportà sur dals privels cun e-bikes.
