Siglir tar il cuntegn

Header

sin pista cun skis cruschads e helicopter davostiers
Legenda: Mintg'onn capitan tenor la SUVA radund 34'000 accidents dal sport d'enviern en Svizra. Keystone (archiv)
cuntegn

Accidents sin pista SUVA appellescha d'esser precaut cun skis e boards

En Svizra èn ils accidents sin pista cun pliras blessuras sa dublegiads ils ultims 15 onns. Tals accidents han savens per consequenza ch'ils blessads sa tschentan en l'ospital. Quai mussan las cifras da l'Institut svizzer d'assicuranza d'accidents (SUVA). Perquai appellescha la SUVA d'esser precaut sin pista per betg provocar situaziuns tendidas en las staziuns intensivas. Blessads il pli savens èn schanuglia, ventrigls e giugadiras dal pe – e quai surtut tar persunas sur 50 onns.

L'onn 2019 ha mintga 5avla persuna ch'ha gì in accident sin pista suffrì da pliras blessuras. Il 2004 era quai anc mintga 10avla persuna. La raschun per quai sajan cunzunt ils skis e snowboards fitg sviluppads che dettian a skiunzas e skiunzs la pussaivladad da charrar spert e far curvas stretgas, uschia la SUVA.

Tenor las cifras da la SUVA capitan mintg'onn radund 34'000 accidents da sport d'enviern en Svizra.

Ord l'archiv

video
Roulet russ dasper las pistas – Dis intensivs per il servetsch da salvament
Or da Telesguard dals 10.02.2022.
laschar ir. Durada: 4 minutas 23 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga