La Rega è stada fitg dumandada la fin d'emna passada. La sonda e la dumengia ha la guardia aviatica svizra da salvament fatg radund 200 servetschs en favur da persunas en situaziuns precaras. La raschun perquai saja stada cunzunt la bell'aura, ha communitgà la Rega. Quella haja procurà per pistas e sendas plainas. En Grischun ed en la Surselva bernaisa èn stadas en acziun duas equipas dapli che normal.
Las equipas da la Rega èn stadas en acziun per pazientas e pazients che han fatg accidents da sport d'enviern e muntogna, dentant er per persunas ch'èn stadas en accidents da traffic u cun ina malsogna acuta.
Ord l'archiv
video
Stagiun d'enviern: Adina bler da far per la Rega
Or da Telesguard dals 02.01.2007.
laschar ir. Durada: 2 minutas 7 Secundas.