Quai ha il minister da defensiun Guy Parmelin ditg oz en l’ura da dumondas dal Cussegl naziunal. La Patrouille Suisse stoppia nudar in accident la stad 2016 en l’Ollanda e la squadra enturn l’aviun dal tip PC-7, in accident dacurt durant ils campiunadis mundials da skis a San Murezzan. La giustia militara saja vid intercurrir ils cas ed ina gruppa d’experts evalueschia mesiras da segirtad.
Guy Parmelin ha respundì dumondas che la cussegliera naziunala verda Regula Rytz ha fatg suenter l’accident a San Murezzan, nua ch’in aviun acrobatic da l’Armada svizra aveva taglià la corda d’ina camera pendenta en l’arrivada a Salastrains.
RR novitads 16:00