Greta Thunberg ha oz demonstrà a Basilea. Quai scriva l'agentura da novitads Keystone-SDA. L'activista da clima da la Svezia ha sa participà a la demonstraziun «Peoples Parade» cunter la finanziaziun da carburant fossil.
Ensemen cun radund 400 persunas ha Thunberg demonstrà avant la banca dals reglaments internaziunals, BIZ. Damaun ha numnadamain lieu là la radunanza annuala nua ch'era represchentants e represchentantas da bancas naziunalas da l'entir mund èn presentas. Ils demonstrants e las demonstrantas vulan surdar a quels ina petiziun. Thunberg sez ha purtà durant la demonstraziun ina bandiera cun scrit si: «End fossil finance!»