Siglir tar il cuntegn

Header

cuntegn

Adatg tar donaziuns Polizia avertescha da cugliunarias en connex cun l'Ucraina

La Polizia chantunala da Turitg ha avertì da cugliunarias en connex cun la guerra da l'Ucraina. Cugliunaders emprovian da survegnir daners entras appels a donaziuns online.

Savens inditgeschian questas persunas ch'i porschian agid direct per fugitivs da l'Ucraina ed unfrendas da la guerra, scriva Cybercrimepolice.ch sin sia pagina. Plinavant tramettian cugliunaders er mails cun empermischuns per investiziuns u cun empermetter daners, e pretendan che quels vegnian dad Ucranais ritgs. Cugliunaders emprovian er da sa dar or sco hackers da l'Ucraina ed emprovan uschia da sfurzar da dar daners da crypto.

I saja grev da differenziar paginas per donaziuns che sajan seriusas e talas che cugliunian. Per betg laschar nizzegiar ora, duessan ins resguardar las metodas da pajaments. Savens vegnian inditgads numers da IBAN, numers da TWINT u QR codes u ch'ins dovria ina carta da credit per pajar. Tar l'IBAN duessan ins resguardar sche la finamira che vegn numnada saja plausibla. Pia u il num da l'uniun u la finamira per las donaziuns.

Tar pajaments via TWINT, pon ins contactar ordavant l'organisaziun per verifitgar il numer e per tge ch'ils daners vegnan duvrads. Avant che pajar insatge cun in QR code via TWINT, possian ins controllar sche l'organisaziun vegn numnada sin la pagina uffiziala da TWINT. Daners via carta da credit, na duess ins betg dar. Er da pajar cun valutas da crypto vegn scusseglià.

Far donaziuns pon ins er anc adina a la Chadaina da fortuna:

audio
Per tadlar: Las novitads da las 12:00
aus RTR Audio vom 26.03.2022.
abspielen. Laufzeit 5 minutas 13 Sekunden.

RTR novitads 09:00

Artitgels legids il pli savens

Scrollar a sanestra Scrollar a dretga