La fin d'emna datti bler sulegl. En differentas regiuns pon ins far spassegiadas senza giacca 'enviern. La dumengia poi dar temperaturas tranter 14 fin 18 grads. En singulas regiuns, sco per exempel en regiuns da favugn u en la Svizra dal Nordvest, poi schizunt dar fin 20 grads.
La fin d'emna vegni sulegliv e miaivel. Dumengia poi dar a Curia fin 17 grads. Il record a Cuira è tar 23 grads, quai tar mesiraziuns dapi il 1959.
Igl è extraordinari chaud per questa stagiun.
Per cumparegliar – la temperatura en media è in suentermezdi il favrer normalmain tar 5 grads.
Temperaturs en ils auts
Glindesdi porta ina front aria fraida
L'aura da primavaira è dentant be da curta durada. Gia glindesdi mida l'aura lura puspè. I vegn pli e pli surtratg. Vers saira vegni a plover u naiver. Mardi e mesemna datti lura temperaturas «normalas» da favrer enturn 5 grads. Tenor SRF Meteo è il mais da favrer stà fin uss fitg miaivel.
Ord l'archiv
L'emprima giada en l'istorgia èsi en l'Antarctica sur 20 grads chaud.