Datas da la Confederaziun duain per part ir sur clouds d'interpresas da l'exteriur. A la Confederaziun vai surtut per l'access a novas tecnologias. Uschia duain er certas purschidas da la Confederaziun vegnì mantegnidas cun servetschs da cloud d'interpresas da l'exteriur. L'administraziun federala ha oz annunzià ch'ella haja fatg contracts cun Alibaba ed 4 interpresas americanas. Ils contracts han in volumen da 110 milliuns francs.
Segirtad da datas sto anc vegnì examinada
Cun ils contracts ha la Confederaziun l'opziun da far diever dals servetschs. Cunzunt datas cun pitschna valita ed muntada possian ins laschar sin quellas clouds. Avant che quai è pussaivel ston ils servetschs da cloud dentant anc vegnir examinads davart lur segirtad. Cunzunt tar Alibaba n'è betg segir sche datas n'èn betg cuntanschiblas er per la regenza chinaisa. Dentant èsi er enconuschent tenor la «NZZ» che datas sin clouds d'interpresas americanas sajan accessiblas per il stadi american.
Datas cun necessitad da segirtad auta sa la Confederaziun er arcunar sin agens servetschs da cloud. Sper Alibaba èn ils contracts fatgs cun Amazon, IBM, Microsoft ed Oracle.
