Siglir tar il cuntegn

Header

cuntegn

«Affera Berset» Procuratur duai sclerir co las actas èn vegnidas tar la Weltwoche

Tgi ha violà il secret d'uffizi en connex cun l'affera Berset? Questa dumonda duai in procuratur u ina procuratura publica extraordinaria sclerir.

L'autoritad da surveglianza da la Procura publica federala (curt AB-BA) ha decis da nominar in procuratur extraordinari per examinar la denunzia penala en connex cun l'affera Berset. Suenter in'artitgel ch'è vegnì publitgà en la Weltwoche davart Berset, ha la Procura publica federala purtà plant pervia da violaziun dal secret d'uffizi.

Concret vai per la dumonda, tgi ch'ha dà vinavant infurmaziuns al magazin. Perquai ch'il delinquet pudess era esser in procuratur public, ha la AB-BA decis d'engaschar in procuratur extraordinari.

«Weltwoche» fa renfatschas a Berset

L’onn passà è ina dunna vegnida sentenziada pervia d’extorsiun encunter Alain Berset. Ella aveva mess sut squitsch il cusseglier federal, cun fotografias e correspundenza tranter els dus e vuleva 100’000 francs.

Avant duas emnas aveva il magazin «Weltwoche» alura rapportà ord actas d’investigaziun secretas dal cas d’extorsiun e tranter auter fatg la reproscha al cusseglier federal d'avair duvrà persunal da la Confederaziun per reglar il cas.

RTR novitads 17:00

Artitgels legids il pli savens