Siglir tar il cuntegn

Header

cuntegn

Affera Lauber Expertisas externas davart futur da la Procura publica federala

Tge funcziuns e lezias duai la procura publica avair en l’avegnir? E duai ella vegnir refurmada cumplettamain? Questas dumondas vul ins sclerir suenter l’affera enturn il procuratur public federal Michael Lauber.

Las cumissiuns da gestiun dal parlament han incumbensà da far duas expertisas externas. Il president dal Cussegl dals chantuns Hans Stöckli ha confermà rapports da medias correspundents envers l’agentura da novitads Keystone-SDA.

Examinar vul ins era, sche la procura publica duai puspè vegnir suttamessa al Cussegl federal e vegnir integrada en l’administraziun. Actualmain è ella independenta.

Las expertisas duain esser sin maisa fin l’entschatta da l’onn che vegn. Il procuratur public federal Micheal Lauber ha offrì sia demissiun il venderdi passà.

RTR novitads 17:00

Artitgels legids il pli savens

Scrollar a sanestra Scrollar a dretga