Siglir tar il cuntegn

Header

video
MIchael Lauber è pront da sa retrair
Or da Tagesschau dals 24.07.2020.
laschar ir
cuntegn

Affera Lauber Il procuratur public federal fa amogna da sa retrair

Fatg la proposta da sa retrair ha Michael Lauber a la cumissiun da dretgira ch'è responsabla per la Procura publica federala. El reagescha uschia sin ina sentenzia dal Tribunal administrativ federal. La dretgira constatescha numnadamain, che Lauber ha ditg manzegnas en connex cun in inscunter cun il president da la Fifa Gianni Infantino.

Lauber haja sapientivamain taschentà envers l'autoritad da surveglianza sur la Procura publica federala (AB-BA) l'inscunter cun Infantino il zercladur 2017. Per il Tribunal administrativ federal è quai ina greva violaziun dals duairs d'uffizi e da l'obligaziun da fidaivladad dal procuratur public federal.

Lauber respecta la sentenzia

En ina decleraziun persunala ha Michael Lauber fatg amogna da sa retrair da ses post. Ed el scriva ch'el respectia la decisiun da la dretgira. Bain refusia el l'inculpaziun d'avair ditg manzegnas. Sch'ins na craja dentant betg ad el sco procuratur public federal, lura fetschia quai donn a l'instituziun Procura publica federala.

Artitgels legids il pli savens

Scrollar a sanestra Scrollar a dretga