Siglir tar il cuntegn

Header

Michael Lauber.
Legenda: Lauber sa dosta vehementamain cunter las renfatschas da la surveglianza AB-BA. Keystone
cuntegn

Procuratur public general Lauber sa dosta cunter reproschas

Il procuratur public general Michael Lauber sa dosta vehementamain cunter las renfatschas da l'Autoritad da surveglianza da la Procura publica generala (AB-BA). En ina reclamaziun da 70 paginas lantschescha Lauber da sia vart renfatschas cunter la surveglianza AB-BA.

La surveglianza haja bittà per il tempel en principis giudizials, citeschan medias da Tamedia ord la reclamaziun. La AB-BA haja agì cun ina buna purziun malvulientscha en la procedura cunter Lauber, perquai ch'ella suttamettia ad el d'avair ditg manzegnas davart ses inscunters cun il president da la Fifa, Gianni Infantino. La AB-BA haja agì tendenzius e partischant, uschia las renfatschas da Lauber.

Per surveglianza è l'obligaziun d'uffizi vegnida violada

La AB-BA era suenter ina procedura disziplinara en connex cun l'affera da la Fifa vegnida a la conclusiun che Lauber haja violà diversas obligaziuns d'uffizi. El haja pliras giadas ditg nunverdads, haja agì illoial, violà il Code of Conduct da la Procura publica generala ed impedì l'examinaziun da la surveglianza.

Il cas è uss tar il Tribunal administrativ federal che pudess decider ils proxims mais davart il recurs da Lauber. Il procuratur public general sez ha mesemna che vegn ina audiziun tar la Cumissiun parlamentara da giustia. Quella cumissiun decida silsuenter, sch'ella vul avrir ina procedura da relaschada cunter Lauber.

RTR novitads 09:00

Artitgels legids il pli savens

Scrollar a sanestra Scrollar a dretga