Siglir tar il cuntegn

Header

Michael Lauber
Legenda: Keystone
cuntegn

Partida socialdemocratica «Lauber duai demissiunar»

Il procuratur public general Michael Lauber è per la Partida socialdemocratica betg pli supportabel. La partida ha annunzià la sonda ch'ins pretenda la demissiun da Lauber.

Il procuratur stoppia uss prender las consequenzas per ses agir e demissiunar, vegn cità il president da fracziun da la PS Roger Nordmann en la communicaziun. Sche Lauber na vegnia betg a demissiunar da sez vegnia la PS a sustegnair ina procedura da relaschada. Er la Partida cristiandemocratica pretenda che Lauber sa retira.

La cumissiun da dretgira dal parlament vegn a tractar ils 13 da matg ina eventuala procedura da relaschada envers Lauber ch'è dapi il 2012 en uffizi. Il politicher bernais Lorenz Hess (PBD) ha inoltrà ina moziun correspundenta. Pervi dal rapport da la surveglianza è gia vegnida scursanida a Lauber la paja. El haja agì illoyal ed haja violà sias obligaziuns d'uffizi en connex cun ils embrugls enturn la FIFA.

RTR novitads 17:00

Artitgels legids il pli savens

Scrollar a sanestra Scrollar a dretga